Ego H. dei gratia Romanorum imperator augustus pro amore dei et beati Petri et domni papę Calixti dimitto omnem investituram omnium ecclesiarum et do veram pacem omnibus, qui, ex quo discordia ista cepit, pro ecclesia in werra fuerunt vel sunt. Possessiones autem ecclesiarum et omnium, qui pro ecclesia laboraverunt, quas habeo, reddo, quas autem non habeo, ut rehabeant, fideliter adiuvabo. Quodsi questio inde emerserit, quę ecclesiastica sunt, canonico, quę autem secularia sunt, seculari terminentur iudicio.
