[H]einricus dei gratia Romanorum imperator augustus Geroldo Lausonensi episcopo gratiam suam et omne bonum. De iudicio, quod adversus Eblonem pro hominibus ad Romanum Monasterium pertinentibus in tua curia datum est, clamorem nostris auribus prior eiusdem monasterii nomine Landricus ingessit, eo quod ipse Eblo idem iudicium exequi contempnat. Quapropter experientie tuę precipimus, ut eundem Eblonem modis omnibus a tali presumptione cohibeas iudiciumque datum exequi compellas.
